இயேசுவின் அன்பை மறந்திடுவாயோ
மறந்திடுவாயோ மனிதப் பண்பிருந்தால்
இயேசுவின் அன்பை
மறந்திடாதிருக்க நீ சிலுவையிலே அவர் மரித்துத்
தொங்கிடும் காட்சி மனதில் நில்லாதோ
அளவில்லா அன்பு அதிசய அன்பு
அழமகலம் நீளம் எல்லை காணா அன்பு
களங்கமில்லா அன்பு கருணை சேர் அன்பு --2
கல்வாரி மலை எங்கும் கதறிடும் அன்பு
அலைகடலை விட பரந்த பேரன்பு
அன்னைமார் அன்பெல்லாம் திரையிடும் அன்பு
மலைபோல் எழுந்தென்னை வளைத்திடுமன்பு -- 2
சிலையென பிரமையில் நிறுத்திடுமன்பு
எனக்காக மனுவுரு தரித்த நல்லன்பு
எனக்காக தன்னையே உணவாக்கும் அன்பு
எனக்காக பாடுகள் ஏற்ற பேரன்பு -- 2
எனக்காக உயிரையே தந்த தேவன்பு
No comments:
Post a Comment