ଆହେ ମୋର ଯୀଶୁ ସୁନ୍ଦର
ମୋ ପାଇଁ କି ଦୁଃଖ ସହିଲ
ହୋଇ ଈଶସୁତ ମାନବର ପାଇ
ନିଜ ଜୀବନ ବଳି ଦେଲ… (ଘୋଷା)
ଦୋଷୀ ନୋହିଁ ମହା ଦୋଷୀ ଭାବରେ
ବନ୍ଧା ହେଲ ଯାଇ କୃଶ ଉପରେ
କଣ୍ଟା ବିଦ୍ଧ ହୋଇ କଣ୍ଟାର ମୁକୁଟ
ନିଜ ଶିରେ ଧାରଣ କଲ… |୧|
ମୁହିଁ ମହାପାପୀ ଅଯୋଗ୍ୟ ତୁମର
ଭୋଗିଛି ଜୀବନେ ସୁଖ ଅପାର
ଧୋଇଦିଅ ପ୍ରଭୁ ମୋତେ ସେ ରକତେ
କର ମୋତେ ପାପୁ ଉଦ୍ଧାର… |୨|
ଆହେ ମୋ ଦୟାସାଗର ଧର ଦୟାରେ ହାତ ମୋହର
ଦୟା ତୁମ ପାରିବାର ଆଶାବାଡ଼ି ଦୁର୍ବଳର
ଧର ଦୟାରେ ହାତ ମୋହର … (ଘୋଷା)
କାନ୍ଦି କାନ୍ଦି ବକ୍ଷ ଯାଏ ଭିଜି
ପ୍ରତିଦିନର ମୋ ପାପ ହେଜି ପ୍ରତି ରାତ୍ରିର ମୋ ଦୋଷ ହେଜି
ପହଞ୍ଚିବ ସ୍ଵର୍ଗ ତୁମର ମୋର ପ୍ରାର୍ଥନା ଅନୁତାପର … |୧|
ଆସିଛି ନେଇ ମୋ ଅନ୍ତର
ଭାଙ୍ଗିବାକୁ ଚରଣେ ତୁମର ଧୋଇବାକୁ ଚରଣେ ତୁମର
ଅନୁତାପର ଲୁହକୁ ନେଇ କେଶେ ପୋଛିବି ପାଦ ତୁମର … |୨|
ବଳ ତୁମେ ହିଁ ଦୁର୍ବଳର
ନାଥ ତୁମେ… ଅନାଥର, ଆଶ୍ରୟ… ନିରାଶ୍ରୟର
ଦୃଜ ଗଢ଼ ହେ ଯୀଶୁ ମୋହର ନାହିଁ ତ୍ରାଣ ବିନା ତୁମର … |୩|
ଆହେ ଭଜ ମନ
ଖ୍ରୀଷ୍ଟ ନାମରେ ହୋଇବ ପରିତ୍ରାଣ
ଚିରେ ଭାବିଲେ ପାଇବ ଦରଶନ (ଘୋଷା)
ଶୁନ୍ୟର ଉପରେ ମହା ଶୂନ୍ୟ
ସେ ସବି ଉପରେ ତାଙ୍କ ସ୍ଥାନ
ଜ୍ୟୋତିର୍ମୟ ସିଂହାସନର ଉପରେ
ବିଜୟ ବିରାଜ ଦୟାବାନ … |୧|
ସିଂହାସନ ଆଗେ ବିଦ୍ୟମାନ
ଖର୍ବ ଖର୍ବ ଧର୍ମ ଦୂତଗଣ,
ଚବିଶ ପ୍ରାଚୀନ ମୁକୁଟ କାଢ଼ିଣ
ବୋଲୁଥାନ୍ତି ଧର୍ମ ଧର୍ମ ଧର୍ମ … |୨|
ଅଗଣ୍ୟ ଜନତା ସାଧୁମାନ
ସେବା ଭଜନାରେ କରି ଧ୍ୟାନ
ପ୍ରେମେ ପରିପୂର୍ଣ୍ଣ ଆନନ୍ଦ କରନ୍ତି,
ବିଜୁଳିର ପରି ତେଜୋବାନ … |୩|
ତ୍ରାଣକର୍ତ୍ତା ପ୍ରଭୁ ଯୀଶୁ ବ୍ରହ୍ମ
ଈଶ୍ଵର ଦକ୍ଷିଣେ ବିଦ୍ୟମାନ
ବିଶ୍ବାସୀଙ୍କ ପାଇଁ କରନ୍ତି ପ୍ରାର୍ଥନା
ଦିଅ ଧର୍ମ ଆତ୍ମା ଶାନ୍ତି ଦାନ … |୪|
ଆହେ ସର୍ବ ଭକ୍ତଜନ ଶୁଣ
ଈଶ୍ଵର ଦକ୍ଷିଣେ କର ଧାନ
ମରଣ ପର୍ଯ୍ୟନ୍ତ ବିଶ୍ବାସୀ ହୋଇଣ
ଅନ୍ତେ ଭୋଗ ସ୍ଵର୍ଗ ସୁଖମାନ … |୫|
ଆହେ ବିଶ୍ବ କରତା ଆସ,
ଆସ ବାରେ ମମ ହୃଦୟରେ ।
ନୂଆ ଅନୁଭବ ଦିଅ ମୋ ଜୀବନେ
ପ୍ରଭୁ ହେ ତବ ଆଗମନରେ । (ଘୋଷା)
ଭାଗି ଚୁରି ମମ କଳୁଷ ଜୀବନ,
ନୂଆ କରି ଗଢି ତୁମ ରୂପରେ ।
ନୂଆ ଜନମର ଅନୁଭବେ ପ୍ରାଣ,
ଉଛୁଳି ଉଠୁ ଆଜି ଆନନ୍ଦରେ |୧|
ଦିଅ ପ୍ରଭୁ ଏକ ନୂତନ ହୃଦୟ,
ନୂତନ ସୃଭାବ ମୋ ଜୀବନରେ ।
ତୁମରି ଜୀବନ ଦିଅ ମୋ ଜୀବନେ,
ଦେଖାଇବି ଯେହ୍ନେ ଏ ମରତରେ |9|
କରେ ଦିଅ ମୋ ତବ ଜୟ ଗୀତି
ହୃଦୟେ ଭରୁ ତବ ମହା ପ୍ରେମରେ ।
ବିଜୟୀ ଜୀବନ ଦିଅ ପ୍ରଭୁ ସଦା,
ସ୍ଥିର ରଖ ତୁମ ବିଶ୍ବାସରେ |୩|
ଚଳାଅ ଜୀବନ ତୁମରି ପଥରେ,
ରହି ସଦା ମମ ହୃଦୟରେ ।
ପହଂଚାଅ ଶେଷେ ସରଗ ସିୟୋନେ,
ଏହି ଜୀବନର ପର ପାରେ |୪|
ଆହେ ବଳୀକୃତ ଯୁବାମେଷ ଖ୍ରୀଷ୍ଟ, ଦୂର କର ମୋର ପାପଭାର । ଘୋଷା ।
ଭୟାନକ ଅପମାନ କ୍ରୁଶୋପରେ, ବହିଥିଲ ମୋ ପାପଭାର ପୃଷ୍ଠରେ !
ତବ ମୁଣ୍ଡ ହାତ ପାଦରୁ ଅପାର ବହିଲା ରୁଧିର ଧାର ଧାର । ୧ ।
ନିଷ୍ପାପ ନିର୍ଦାଗ ଆହେ ଯୁବାମେଷ, ଭୋଗିଲ କି ଲଜ୍ଜା, ସହିଲ କି କ୍ଳେଶ !
ଛିଞ୍ଚ ମୋ’ ପରେ ତୁମ୍ଭ ପାତିତ ରକ୍ତ, କର ଶୁଦ୍ଧରୂପେ ପରିଷ୍କାର । ୨ ।
ଆହେ ଈଶ୍ୱରଙ୍କ ଯୁବାମେଷ ଖ୍ରୀଷ୍ଟ, ତୁମ୍ଭେ ଅଟ ମୋର ମହା ପ୍ରାୟଶ୍ଚିତ୍ତ;
ତୁମ୍ଭେ ମୋର ପୁଣ୍ୟ, ତୁମ୍ଭେ ମୋ ମୁକୁଟ, ତୁମ୍ଭ ବିହୁନେ ସବୁ ଅସାର । ୩ ।
ଯୀଶୁ ତୁମ୍ଭ କ୍ରୁଶ କରନ୍ତେ ଭାବନ ହେଉ ବିଦୀର୍ଣ୍ଣ ମୋର ପାଷାଣ ମନ;
ମୋତେ ଦିଅ କରିବାକୁ ଆଲିଙ୍ଗନ ତୁମ୍ଭ ମହାପ୍ରେମ ବକ୍ଷସ୍ଥଳ । ୪ ।
( ସ୍ୱର : ଆହେ ନିରମଳ ସୁନ୍ଦର ଉଜ୍ଜ୍ୱଳ )
ଆହେ ପ୍ରେମମୟ ଈଶ୍ୱର ତନୟ,
ଆମ ପରିବାରେ ଆସ ହେ,
ନୂଆ ଭାବେ ଆଜି ଆମେ ଉଠୁ ସାଜି ତୁମ ପ୍ରେମ ବାଣୀ ଭାଷ ହେ । ଧ୍ରୁବ ।
ତୁମ ଲାଗି ପ୍ରଭୁ ଆମରି ଏ ଘରେ
ଧ ର୍ମବତୀ ଉଠୁ ଜ୍ୱଳି ହେ,
ନିତି ଆରାଧନା ସେବା ଉପାସନା-
ଧୂପେ ଏହି ଗୃହ ପୁରୁ ହେ । ୧ ।
ଏ ଘର ସନ୍ତାନ ସନ୍ତତି ନିକର ତୁମ ନାମ ଲାଗି ପ୍ରଭୁ ହେ,
କରି ପ୍ରାଣ ପଣ ହୋଇ ଆଗୁଆନ ପ୍ରଚାରନ୍ତୁ ତୁମ ନାମ ହେ । ୨ ।
