ଆକାଶେ ଉଠି ନାହିଁ ସେଦିନ ତାରାଟି
ଅନ୍ଧାର ସରବ ସରଣୀ ସଙ୍କେତ ଦେଇନି ଉଜ୍ଜ୍ୱଳ ଆଲୋକ । ଘୋଷା ।
ଗାଇନି ସରଗ ବାହିନୀ
ଜନମି ନାହିଁରେ ବେଥଲିହିମରେ
ଅମରାବତୀର ଶିଶୁଟି
ପରାଚୀ ପଣ୍ଡିତ ନରେଶ ହେରୋଦ
ନାହାନ୍ତି ଆଜିରେ କେହିଟି କାଳର ଗରଭେ ଲୁଚିଲେ ସରବେ
ଯେସନେ ଅତୀତ କାହାଣୀ । ୧ ।
ଆଜିରେ ଜାଗିଛି ଗ୍ରହ ତାରା କଣ୍ଠେ ସେଦିନ ପୁଲକ ଭାରତୀ
ଜଳସ୍ଥଳ ନଭ ଜଣାଏ ସ୍ୱାଗତ ଶିଶୁର ଜନମ ଜୟନ୍ତୀ
ସଂସାର ପ୍ରବାସେ ମାତିଲୁ ଉଲ୍ଲାସେ
ସାର ହେଲା ଏଥି କାହାଣୀ । ୨ ।
ସେଦିନର ଶିଶୁ ତେଜି ସୁରପୁର ଖୋଜୁଛି ଆଳୟେ ଆଳୟେ
ନେବାକୁ ଜନମ ଏହି ଶୁଭ ଦିନେ ସବୁରି ଆବିଳ ହୃଦୟେ
ସାର୍ଥକ କର ଆଜି ବଡ଼ଦିନେ
ଯୀଶୁ ହେ ଅନ୍ତରେ ଜନମି । ୩ ।
ଆକାଶ, ଚାନ୍ଦ, ତାରା ଜଳ ସ୍ଥଳ ସୃଷ୍ଟି ସାରା
ତୁମରି ମହିମା ଗାଏ ପ୍ରଭୁ, ତୁମରି ମହିମା ଗାଏ
ତୁମେ ତ ବିଶ୍ବପତି, ସବୁ ତ ତୁମ ସଂପତ୍ତି
ସକଳ ମାନବ ଜାତି (ଯୀଶୁ) ତୁମରି ମହିମା ଗାଏ … (ଘୋଷା)
ହେ ନିରାକାର ପ୍ରେମେ ହୋଇଛି ସାକାର
ଆସନ ପାତି ଯେ, ବସିଛି ଅନ୍ତରେ ମୋର
ତୁମରି କରୁଣା ପାଇ, ଲଭିଛି ସକଳ ମୁହିଁ
କରୁଣା ନିଧାନ ପ୍ରଭୁ ( ଯୀଶୁ) ତୁମରି ମହିମା ଗାଏ … | ୧ |
ଫୁଲେ ଫୁଲେ କେତେ ସୁବାସ ଦେଇଛି ଭରି
ପତରେ ପତରେ ସବୁଜ ରଙ୍ଗ କରି
ଧନ୍ୟ ହେ କଳାକାର, ଘେନ କୋଟି ନମସ୍କାର
ଦୀନ ଜନେ ଦୟା କର (ଯୀଶୁ ) ତୁମରି କରୁଣା ପାଏ … |9 |
ମେଲିଦିଅ ତୁମ ପ୍ରେମବାହୁ ତୋଳି ନିଅ ଯେତେ କ୍ଲାନ୍ତ ବନ୍ଧୁ
ମୁଁ ଦୀନ ପାପୀ ଡାକୁଛି ହୋଇ କାତର
ପାପ ଭାର ନେଇ ଧୁଅ ହେ ଅନ୍ତର ମୋର
ତୁମରି ପରଶ ପାଇ ହୋଇବି ନୂତନ ମୁହିଁ
ଯାପିବି ଜୀବନ ପ୍ରଭୁ …(ଯୀଶୁ) ତୁମରି ମହିମା ଗାଏ ।୩।
ଆକାଶମଣ୍ଡଳ ପରମେଶ୍ଵରଙ୍କ ଗଉରବ ବର୍ଣନା କରେ
ଶୂନ୍ୟମଣ୍ଡଳ ତାଙ୍କ ହସ୍ତକୃତ କର୍ମ ସକଳ ପ୍ରକାଶ କରେ …(ଘୋଷା )
ଦିନ ପରେ ଦିନ ସିଏ ବାକ୍ୟ ଉଚ୍ଚରେ
ରାତି ପରେ ରାତି ଜ୍ଞାନ ପ୍ରକାଶ କରେ
ରବ ତାର ବ୍ୟାପି ଥାଏ ସାରା ପୃଥିବୀରେ
ବାକ୍ୟ ତାର ପ୍ରସାରିତ ଶେଷ ସୀମା ଯାଏ … |୧|
ପ୍ରଭୁଙ୍କ ବ୍ୟବସ୍ଥା ସିଦ୍ଧ ପ୍ରାଣ ପାଇଁ ହିତ
ପ୍ରମାଣବାକ୍ୟ ଅଟଳ ଜ୍ଞାନ ପ୍ରଦାୟକ
ପ୍ରଭୁଙ୍କ ବିଧୁ ଯଥାର୍ଥ ଆନନ୍ଦଜନକ
ଆଜ୍ଞା ସକଳ ନିର୍ମଳ ଚକ୍ଷୁର ଆଲୋକ … |୨|
ତୁମ ବାକ୍ୟ ଦ୍ୱାରା ଦାସ ଚେତନା ଯେ ପାଏ ।
ପ୍ରତିପାଳନରେ ତାର ମହାଫଳ ଥାଏ
ମୋର ଶୈଳ ମୁକ୍ତି ଦାତା ଆହେ ସଦାପ୍ରଭୁ ।
ମୁଖ ବାକ୍ୟ ହୃଦ ଧାନ ତୁମ୍ଭ ଗ୍ରାହ୍ୟ ହେଉ …|୩|
ପ୍ରଭୁ………ପ୍ରଭୁ. ……..ପ୍ରଭୁ……….ପ୍ରଭୁ
ଆଉକି ଶୁଭିବ ଭଙ୍ଗା ବୀଣା ତାରେ ଆଦ୍ୟ ପ୍ରେମର ଝଙ୍କାର ?
ଫେରିକି ଆସିବ ଜୀବନେ ଯୀଶୁ ହେ ସାତ ରଙ୍ଗ ସାତ ସ୍ଵର
ଆଦ୍ୟ ପ୍ରେମର ଝଙ୍କାର (ଘୋଷା)
ଭୁଲିଗଲି ସବୁ………ପ୍ରଭୁ…….
ପୁରୁଣା ସ୍ମୃତିକି ପ୍ରାର୍ଥନାରେ ଥିଲି କହି
ଯେତେ ଦୁଃଖ ଝଡ଼ ଆସିଲେ ଯୀଶୁ ହେ
ସବୁକୁ ଦେଲି ଏଡ଼ାଇ
ତୁମେ ମୋ ଶାରୋଣ ଗୋଲାପ ସୁରଭି ( ୨ ଥର)
ଅଟ ଆଶିଷର ବାରି
ଆଉକି ଝରିବ ମୋ ଆଖି ପତାରେ ( ୨ ଥର)
ଅନୁତାପର ସେ ନୀର ଆଦ୍ୟ ପ୍ରେମର ଝଙ୍କାର || ୧ ||
ନ ଚାହିଁବି ବୋଲି…ପ୍ରଭୁ…..
ଆଖି ବୁଜି ଦେଲେ ହୃଦୟ ଭିତରେ ଦିଶ
ନ ଶୁଣିବି ବୋଲି କାନ ରୁଦ୍ଧି ଦେଲେ
ଚେତନାରେ ନିତି ଆସ
ତୁମରି ସାନ୍ନିଧ୍ୟ-ଭରସା ପବନ ( ୨ ଥର)
ଲାଗେ ମୋତେ ନିତି ନୂଆଁ
ଆଉ କି ବହିବ ଏ ମରୁ ଅନ୍ତରେ ( ୨ ଥର)
କାଲବରୀର ରୁଧୁର, ଆଦ୍ୟ ପ୍ରେମର ଝଙ୍କାର
ଅନୁତାପର ସେ ନୀର, କାଲବରୀର ରୁର || ୨ ||
ଆଉ ରାତ୍ରି ନାହିଁ ଆଉ ଛାନ୍ତି ନାହିଁ
ଆଉ ମୃତ୍ୟୁ ନାହିଁ ଧରା ପରେ ମୃତ୍ୟୁ ହଜିଛି ଦୂରେ
ବିଜୟୀ ଯୀଶୁ ଉଠିଛନ୍ତି ଆଜି ଏହି ଶୁଭ ଲଗନରେ (ଘୋଷା )
ଆସରେ ଆସ ବିଶ୍ବର ଯେତେ କ୍ଲାନ୍ତ ଜନତା ଆଜି
ଅମର ଖ୍ରୀଷ୍ଟ ବନ୍ଦନା ଗାଇ ଚରଣେ ଯାଉରେ ହଜି
ଲଜିତ ଆଗୋ ପରଲୋକ କୁହ ଜୟ ତୁମ କେଉଁଠାରେ |୧|
ଯୀଶୁ ତ ଆମରି ପଥ ଆଉ ସତ୍ୟ ପୁନରୁଥାନ ସେହି
ପତିତଙ୍କୁ ଦେଲେ ବିଜୟୀ ଜୀବନ କୁଶର କଷଣ ସହି
ଚିର ଉନ୍ନତ ବୀର କୁଶ ଆମ ଜୟ ତୁମ ରକତରେ |୨|
ଆଉ କିଛି ପ୍ରଭୁ ଲୋଡ଼ା ନାହିଁ ମୋର
ତୁମେ ସାଥ ହେଲେ, ଚଲା ପଥେ ମୋର (ଘୋଷା)
ତୁମେ ହିଁ ପଥ ତୁମେ ହିଁ ସତ୍ୟ
ତୁମେ ଜୀବନ ମୋର ହେ ନିତ୍ୟ (୨ ଥର)
ଆସିଛି ତୁମ ପାଶେ ମୋତେ ହେ ନିଅ ତୋଳି
ପାପ ମୋ ସବୁ ଭୁଲି ଆଶିଷ ଦିଅ ଢ଼ାଳି
ତୁମରି କୁଶ ମୋର (୩ ଥର) ପ୍ରତୀକ ଜୀବନର … |୧ |
ତମସା ଘେରା ଜଗତ ସାରା
ଜୀବନ ପଥେ ମୁଁ ଦିଶାହରା (୨ ଥର)
ଆଲୋକ ଦିଅ ଭରି ଆହେ ଜଗତ ଜ୍ୟୋତି
ଅନ୍ଧାର ଅପସରି ଭରୁ ପରାଣେ ଶାନ୍ତି
ତୁମେ ହେ ପ୍ରଭୁ ମୋର (୩ ଥର) ଜୀବନ ନିରିଝର … |୨|
ଆଉ କିଛି ପ୍ରଭୁ ଚାହେଁନା ଜୀବନେ
ତୁମ୍ଭେ ଯଦି ଥାଅ କତିରେ,
ସୁଖ ଦିଅ ଅବା ଦୁଃଖ ଦିଅ ପ୍ରଭୁ
ସମାନ ସବୁ ମୋ କତିରେ … (ଘୋଷା)
ହୁ ପାଇ ଯେବେ ତୁମଠୁ ପଳାଏ
ବୁଲେ ମୁଁ ବାହାର ଅନ୍ଧାରେ,
ଅଙ୍କୁଶ ପ୍ରହାରେ ଟାଣିଆଣ ମୋତେ
ତୁମରି ପ୍ରଣୟ-କାରାରେ … |୧|
ସୁଖ ଆଶା କରି ତୁମକୁ ମୁଁ ଛାଡ଼ି
ବୁଲେ ସିନା ମରୀଚିକାରେ,
ରବି ଶଶୀ ତାରା ଥାଉଁ ଦିଶାହରା
ବୁଲିବୁଲି ମରେ ଅନ୍ଧାରେ … |୨|
ଦୁଃଖ ଦେଇ ଯଦି ତୁମ୍ଭ ଦେଖା ପାଏଁ
ରଖ ପ୍ରଭୁ ମୋତେ ଦୁଃଖରେ,
ଯେଉଁ ସୁଖ ପାଇ ତୁମକୁ ହରାଏ
(ମୋର) ଲୋଡ଼ା ନାହିଁ ସେହି ସୁଖରେ … |୩|
ଆଉ କିଛି ପ୍ରଭୁ ଚାହେଁନା ଜୀବନେ
ତୁମ୍ଭେ ଯଦି ଥାଅ କତିରେ, ସୁଖ ଦିଅ ଅବା ଦୁଃଖ ଦିଅ ପ୍ରଭୁ
ସମାନ ସବୁ ମୋ କତିରେ । ଘୋଷା ।
ଦୁଃଖ ପାଇ ଯେବେ ତୁମଠୁଁ ପଳାଏ ବୁଲେ ମୁଁ ବାହାର ଅନ୍ଧାରେ,
ଅଙ୍କୁଶ ପ୍ରହାରେ ଟାଣିଆଣ ମୋତେ
ତୁମରି ପ୍ରଣୟ-କାରାରେ
ସୁଖ ଆଶା କରି ତୁମକୁ ମୁଁ ଛାଡ଼ି ବୁଲେ ସିନା ମରୀଚିକାରେ,
ରବି ଶଶୀ ତାରା ଥାଉଁ ଦିଶାହରା ା ୧ ।
ବୁଲିବୁଲି ମରେ ଅନ୍ଧାରେ ା ୨ ।
ଦୁଃଖ ଦେଇ ଯଦି ତୁମ୍ଭ ଦେଖା ପାଏଁ ରଖ ପ୍ରଭୁ ମୋତେ ଦୁଃଖରେ,
ଯେଉଁ ସୁଖ ପାଇ ତୁମକୁ ହରାଏ
(ମୋର) ଲୋଡ଼ା ନାହିଁଁ ସେହି ସୁଖରେ । ୩ ।
ଆଃ କି ଶୁଭ ପ୍ରଭାତ ! ଆଃ କି ମଙ୍ଗଳ ପ୍ରାତଃ !
କେଡ଼େ ଉଲ୍ଲସିତ ହେଲି କରି ମୁଁ ନେତ୍ରପାତ ! । ଘୋଷା ।
ଯେଉଁ ଦିନ ତ୍ରାତା ଖ୍ରୀଷ୍ଟ ହୋଇ ଗୌରବାନ୍ୱିତ
ସମାଧିକୁ କରି ଜୟ ହୋଇଥିଲେ ଉତ୍ଥିତ । ୧ ।
ପାପାତ୍ମା ଅପଲ୍ୟନ ମହିପତି ଯେଉଁଦିନ
ହୋଇ ସମ୍ପୂର୍ଣ୍ଣ ଲଜ୍ଜିତ ହୋଇଲା ପରାଜିତ । ୨ ।
ଭାଙ୍ଗିଲେ ମୃତ୍ୟୁ-ନାହୁଡ଼ ପାପ ନରକ ବଳ,
ଶତ୍ରୁଙ୍କୁ କରି ପରାସ୍ତ ହେଲେ ନିତ୍ୟ ଜୀବିତ । ୩ ।
ଆଜି ଦିନ ନିରୂପିତ ମୋ ବିଶ୍ରାମ ନିମିତ୍ତ,
ବିଶ୍ୱାସେ ଅକଥନୀୟ ଆନନ୍ଦେ ଆନନ୍ଦିତ । ୪ ।
ଆହା, କି ଶୁଭ ଦିବସ ! କି ମଙ୍ଗଳ ପ୍ରତ୍ୟୁଷ !
ହେବି ମୁହିଁ ଆହ୍ଲାଦିତ ଗାଇ ପ୍ରଶଂସା ଗୀତ । ୫ ।
ଆରେ ଅନିତ୍ୟ ସଂସାର, ଯାଅ ତୁ ଆଜି ଦୂର,
ହେଉ ଆଦ୍ୟ ଆକର୍ଷିତ ଖ୍ରୀଷ୍ଟ ପ୍ରେମେ ମୋ ଚିତ୍ତ । ୬ ।
