எல்லாம் உமக்காக ஏசுவின் திவ்ய இருதயமே
எல்லாம் உமக்காக
எந்தன் சிந்தனை சொல் அனைத்தும்
எந்தன் செயல்கள் ஒவ்வொன்றும்
எந்தன் உடல் பொருள் ஆவி முற்றும் (2)
உம் புகழ் அதிமிகு மகிமைக்கே -- (எல்லாம் உமக்காக...)
ஒளியை நாடா மலரில்லை
நீரை வேண்டா வேரில்லை
உன் புகழ் தேடா வாழ்வனைத்தும் (2)
வாழ்வில்லை அதில் பயனில்லை -- (எல்லாம் உமக்காக...)
வழியும் ஒளியும் உறுதுணையும்
வாழ்வின் நிறைவும் நீரன்றோ
உன்னருள் ஒன்றே வேண்டி நின்றேன் (2)
இன்றுன் திருப்பதம் சரணடைந்தேன் -- (எல்லாம் உமக்காக...)
No comments:
Post a Comment