(ସ୍ୱର : ଆସ ପ୍ରଭୋ ଆସ)
ଘେନ ଘେନ ଆଜି ମୋର ଏହି ଉପାସନା ହେ…
ଟାକି ବସିଅଛି ନୀରସ ପରାଣେ
ଦିଅ ପ୍ରେମ କଣା ହେ । ୦ ।
ସଜଳ ନୟନେ ସରଳ ପରାଣେ
କରଇ ବନ୍ଦନା ହେ
ଦରଶନ ଲାଗି ଦ୍ୱାରେ ଅଛି ଜଗି
ପୁରାଅ କାମନା ହେ । ୧ ।
ଦେଖାଅ ବଦନ ଦୟାର ସଦନ
ନାଶି ମୋ ବେଦନା ହେ ଦୋଷ କର କ୍ଷୟ
ଦୂର କର ଭୟ ଚେତାଇ ଚେତନା ହେ । ୨ ।
ନାହିଁ ଭକ୍ତି ଜ୍ଞାନ ନୀତିଶୂନ୍ୟ ପ୍ରାଣ
ଅପୂର୍ଣ୍ଣ ସାଧନା ହେ
ପୁଲକିତ କର ପ୍ରାଣ ଭିକ୍ଷୁକର
ଘେନି ବନ୍ଦାପନା ହେ । ୩ ।
ଗୋଟିଏ ସ୍ରୋତ ରକ୍ତର ଝରୁଅଛି କୁଶେ,
ଯେଡ଼େ ପାପୀ ହିଁ ଡୁବିଲେ ତା କଳଙ୍କ ନାଶେ … |୧|
ମୋର ବିଶ୍ବାସ କୃଶରେ, କଲେ ରକ୍ତଦାନ
ମୋ ପରା ପାତକୀ ଯେହ୍ନ ଲଭେ ପରିତ୍ରାଣ …(ଘୋଷା)
ସେ ସ୍ରୋତ ଦେଖି ଦମ୍ଭୀର ଶାନ୍ତି ହେଲା ମନେ
ହେଲେ ହେଁ ମୁଁ ଅଭାଜନ ବଞ୍ଚିବି ତେସନେ … |୨|
ସେ ମେଷ ରକ୍ତର ଶକ୍ତି ସରୁନାହିଁ କିଛି
ଯିବା ଯାଏ ଭକ୍ତ ସ୍ୱର୍ଗ ପ୍ଲାବିତ ହେଉଛି … |୩|
ସେ ସ୍ରୋତେ ଦେଖି ବିଶ୍ଵାସେ କରେ ଜୟଗାନ
ଗାଇ ଯିବି ମୁଁ ହରଷେ ତା’ରି କୃତ ପ୍ରାଣ … |୪|
ଯାଉ ନିସ୍ତେଜ ଏ ରସନା ନିରବ କବରେ
ଗାଇବି ଗାନ ଏ ବାସନା ସ୍ଵର୍ଗ ମୁଁ ସୁରେ … |୫|
