ମନ ଡୁବରେ ଖ୍ରୀଷ୍ଟଙ୍କ ପ୍ରେମ-ସାଗରେ । ଘୋଷା ।
ସେ ପ୍ରେମ-ସାଗରେ ମତି ବୁଡ଼ାଇଲେ ଅତି ତୃପ୍ତି,
ତହିଁ ମିଳଇ ଆନନ୍ଦ ଶାନ୍ତି ସତ୍ୱରେ । ୧ ।
ସେ ଯେଉଁ ପ୍ରେମ-ସାଗର ନାହିଁ ତାର ଥଳ କୂଳ,
ସଦା ଉଠଇ ପ୍ରେମ-ଲହରୀ-କଲ୍ଲୋଳେ । ୨ ।
ତହିଁରେ ସୁଖ ଅଶେଷ, ନାହିଁ ପାପ ତାପ ତ୍ରାସ,
ଅତି ସୁବାସ ଆମୋଦ ଶାନ୍ତି ଦଳରେ । ୩ ।
ସେ ପ୍ରେମ-ସାଗର ଜଳ ନିଭାଏ ପାପ-ଅନଳ,
ତହିଁ ବୁଡ଼ି ବୁଡ଼ି ରହ ମନ ଶାନ୍ତିରେ । ୪ ।
ମହାପ୍ରଭୁ, ମହାପ୍ରେମ ଭବେ ପ୍ରକାଶିଲ;
ଆସି ବିଶ୍ୱ ପ୍ରେମ ସେବାଧର୍ମ ଜଗତେ ଥାପିଲ । ଘୋଷା ।
ତୁମ ପ୍ରେମ ସୂତ୍ରେ; ଯୀଶୁ ହେ ମୋର ପ୍ରିୟ ଯୀଶୁ,
ତୁମ ପ୍ରେମ ସୂତ୍ରେ ନର ମାତ୍ରେ ସ୍ନେହରେ ଗୁନ୍ଥିଲ । ୧ ।
ଅମା ଅନ୍ଧକାରେ; ଯୀଶୁ ହେ ମୋର ପ୍ରିୟ ଯୀଶୁ,
ଅମା ଅନ୍ଧକାରେ ହୃଦୟରେ ଜ୍ୟୋତି ପ୍ରକାଶିଲ । ୨ ।
ତୁମ ପ୍ରେମ ଗୁଣେ; ଯୀଶୁ ହେ ମୋର ପ୍ରିୟ ଯୀଶୁ,
ତୁମ ପ୍ରେମ ଗୁଣେ ମୃତ ଜନେ ଜୀବନ ବିହିଲ । ୩ ।
ତୁମେ ପ୍ରେମଭରେ; ଯୀଶୁ ହେ ମୋର ପ୍ରିୟ ଯୀଶୁ,
ତୁମେ ପ୍ରେମ ଭରେ କ୍ରୁଶୋପରେ ଅଧମେ ତାରିଲ । ୪ ।
ମୁକ୍ତିଦାତା ଯୀଶୁ ନାମ ଭଜରେ ଭାଇ ସେହି ନାମ,
ଯୀଶୁ ନାମ ଯୀଶୁ ନାମ
ଯୀଶୁ ନାମ ଭାଇ ଯୀଶୁ ନାମ । ଘୋଷା ।
ଶାନ୍ତିଧାମ ସୁଧା ନାମ
ଯୀଶୁ ନାମ ଭାଇ ଯୀଶୁ ନାମ । ୧ ।
ଦିବ୍ୟ ନାମ ଯୀଶୁ ନାମ
ଯୀଶୁ ନାମ ଭାଇ ଯୀଶୁ ନାମ । ୨ ।
ଶ୍ରେଷ୍ଠ ନାମ ଯୀଶୁ ନାମ
ଯୀଶୁ ନାମ ଭାଇ ଯୀଶୁ ନାମ । ୩ ।
ମୋକ୍ଷ ନାମ ଯୀଶୁ ନାମ
ଯୀଶୁ ନାମେ ପରିତ୍ରାଣ । ୪ ।
ମରଣ ବିଜୟୀ ମରଣ ବିଜୟୀ
ମୃତ୍ୟୁ ନାହୁଡ଼ ଭାଙ୍ଗି ସେ ହେଲେ
ମୃତ୍ୟୁଞ୍ଜୟୀ । ଘୋଷା ।
ଯୀଶୁ ରାଜା ଆମର ସର୍ବ ବଳେ ବଳୀୟାର
ନିଜ ବଳେ ଜୟ କଲେ ମୃତ୍ୟୁ ପାପାତ୍ମା ଗଡ଼
ଯାଅ ବହନ ଭାଇ ଶୁଭ ସମ୍ବାଦ ନେଇ
ମୃତ୍ୟୁ ନାହୁଡ଼ ଭାଙ୍ଗି ସେ ହେଲେ ମୃତ୍ୟୁଞ୍ଜୟୀ
ମରଣ ବିଜୟୀ । ୧ ।
ଉଡ଼େ ଜୟ ପତାକା ବାଜି ଉଠେ ମଧୁ ଗୀତିକା
ପୁଲକିତ ହୁଏ ଚିତ୍ତ ଫୁଟି ଉଠେ କଳିକା ଆଲୋକ ବିତରୀ
ଜୀବନ ସଞ୍ଚାରି ଶୟତାନ ବନ୍ଧନ ସେ ଦେଲେ ଯେ ଖୋଲି
ମରଣ ବିଜୟୀ । ୨ ।
ଯେବେ ଦୁଃଖ ଅଳନ କରେ ଦାହ ହୃଦ ମୋହର
ଯୀଶୁ ମୁଖ ଚାହିଁ ସୁଖ ଶାନ୍ତି ପାଏ ଅପାର ଉଠିଛନ୍ତି ସେହି କବର ଫିଟାଇ
ମୃତ୍ୟୁ ନାହୁଡ଼ ଭାଙ୍ଗି ସେ ହେଲେ ମୃତ୍ୟୁଞ୍ଜୟୀ
ମରଣ ବିଜୟୀ । ୩ ।
ମଙ୍ଗଳ ମଙ୍ଗଧାରୀ
ଆନନ୍ଦେ ଭରି, ମୋ ଜୀବନ ତରୀ;
(ଏବେ) ଭାସିଯାଉ ଅନନ୍ତ ସ୍ରୋତେ, ହେ ଭବକାଣ୍ଡାରୀ ।
ନାହିଁ ଅନ୍ୟେ ଗତି ଜାଣେ ମନ୍ଦ ମତି ତୋଫାନରେ ଭୀତି ଜାଗେ ନିତି ନିତି,
କର ରିଷ୍ଟ ପାରି, ଆହେ ବିପଦହାରୀ । ୧ ।
ହେଲା ଲକ୍ଷ୍ୟଚ୍ୟୁତି ଭଗନ ପ୍ରତୀତି,
ପାଏନା ଶକତି ମୁହିଁ ମନ୍ଦମତି,
ନିଅ ମୋର ତରୀ, ଆହେ ମଙ୍ଗଧାରୀ । ୨ ।
ଉତ୍ତାଳ ତରଙ୍ଗ କରାଳର ବ୍ୟଙ୍ଗ ମୋହ ରସ ରଙ୍ଗ ତୁଟୁ ସବୁ ସଙ୍ଗ,
ପ୍ରୀତି ଶାନ୍ତି ଭରି କର ସାଗର ପାରି । ୩ ।
ସୃଷ୍ଟିକର୍ତ୍ତା ଚିନ୍ତୁଛନ୍ତି ନିତ୍ୟ ମୋ ପାଇଁ । ଘୋଷା ।
ଯେ ମୋତେ କରିଲେ ସୃଷ୍ଟି, ରଖିଛନ୍ତି ଦୟା ଦୃଷ୍ଟି
ଦିବା-ନିଶି ମୋର ପ୍ରତି, ଜାଣଇ ମୁହିଁ । ୧ ।
ମୋର ମଙ୍ଗଳ କାରଣ ଯାହା ଅଟେ ପ୍ରୟୋଜନ
ତାଙ୍କ ଇଚ୍ଛାରେ ପ୍ରଦାନ କରନ୍ତି ସେହି । ୨ ।
ଜନ୍ମକାଳୁ ଏପର୍ଯ୍ୟନ୍ତ ଯାହାଙ୍କ ଦ୍ୱାରା ରକ୍ଷିତ
ଭବିଷ୍ୟତେ ସେ ନିତାନ୍ତ ଭୁଲିବେ ନାହିଁ । ୩ ।
ତାଙ୍କଠାରେ ଆଶ୍ରା ନେଇ ନୋହିଛି ନିରାଶ କେହି,
ତେବେ ବ୍ୟର୍ଥରେ କିପାଇଁ ଚିନ୍ତିତ ମୁହିଁ ? । ୪ ।
ଚିନ୍ତା କରି ସବୁ ଭାର ନ ଦେଇ ପ୍ରଭୁ ପୟର,
ପାଇଛି କେହି ମଙ୍ଗଳ ଜାଣୁ କି ତୁହି ? । ୫ ।
ସର୍ବ ଚିନ୍ତା ପରିହରି ପ୍ରଭୁରେ ନିର୍ଭର କରି,
ମନ, ହେଜିରେ ପ୍ରଭୁ କୃପା ସଦା ଭାବ,
କରି ଧନ୍ୟବାଦ ହୋଇ ଆହ୍ଲାଦିତ
ନିରବ ତାଙ୍କୁ ସେବା … (ଘୋଷା)
ସେ ତୋହର ପାପ କରନ୍ତି ମାର୍ଜନା,
ନାଶନ୍ତି ତୋ ରୋଗ ନାନା
ଘୋର ବିପଦରୁ ବଂଚାଇଣ ପ୍ରାଣ
ନ କରନ୍ତି ଦୟା ଉଣା … |୧|
ଉତ୍ତମ ବସ୍ତୁରେ ସଦା ତୃପ୍ତ କରି
ଦିଅନ୍ତି ମଙ୍ଗଳଦାନ
ଉକ୍ରୋଶ ପକ୍ଷୀର ପରାଏ କରି
ଦିଅନ୍ତି ନୂଆ ଯୌବନ … |୨|
ଅତ୍ୟନ୍ତ ଦୟାଳୁ, କ୍ରୋଧରେ ସେ ଧୀର,
ନ କରନ୍ତି ସଦା କ୍ରୋଧ,
ପାପର ପ୍ରମାଣେ ନ ଦିଅନ୍ତି ଦଣ୍ଡ,
ଅଟନ୍ତି ପର୍ବତ ଗଡ଼ … |୩|
ଭକ୍ତ ଜନ ପ୍ରତି ତାହାଙ୍କ କରୁଣା
ସବିଦା ଥାଏ ସମାନ,
ପିତୃ ଭାବ ବହି କଟାକ୍ଷ ପକାଇ
କରୁଥାନ୍ତି ସ୍ନେହ ପ୍ରେମ … |୪|
କହଇ ଅଧମ, ଆରେ ମନ ମୋର,
ନ ପାଶୋର ତାଙ୍କ କୃପା,
ନାଶିବେ ସଙ୍କଟ, ହୋଇବ ନିକଟ,
ସଦା ଥୁବ ଅନୁକମ୍ପା .. |୫|
ମୁଁ ଯେ କିଏ ପ୍ରଭୁ, ମୋତେ କାହିଁକି ଏତେ ପ୍ରେମ କର
ମୁଁ ନଗଣ୍ୟ ଧୂଳିରୁ ହୀନ,
କାହିଁକି ତୁମେ ମୋତେ କୋଳେ ଧର (ଘୋଷା)
ହୋଇଛି ମୁଁ ନିର୍ମିତ ଅପରାଧେ ପାପରେ ମୋର ଜନମ
ନାହିଁ ତ ମୋର କିଛି ଧାର୍ମିକତା
ମୁଁ ଯେ ନିତାନ୍ତ ଅଧମ ( ୨ ଥର)
କରି ଚିନ୍ତା ନିତ୍ୟ ତୁମେ ମୋ ପାଇଁ
ଦେଉଛି ମଙ୍ଗଳ ଦାନ ପ୍ରଚୁର || ୧ ||
ମୋର ଭାବନା ସଂକ ସବୁ, ତୁମେ ତ ଦୂରରୁ ଜାଣ
ତୁମଠୁ ଲୁଚିପାରେ କାହିଁ,
ନାହିଁ କେଉଁଠି ସେ ସ୍ଥାନ ( ୨ ଥର)
ତୁମେ ତ ପ୍ରଭୁ ଗୋ ସବୁଠି ଅଛ,
କରୁଛି ରକ୍ଷା ନିତି ମୋ ପ୍ରାଣର || ୨ ||
