NAAN NADANDHU VANDHA PATAIYILELLAM LYRICS

நான் நடந்து வந்த பாதையிலெல்லாம்

என்னை சுமந்து வந்த நேசர் இயேசுவே

கடந்த கால பாவங்களெல்லாம் – கொடும்

குருசில் சுமந்து தீர்த்த நேசரே

தாயாரின் வயிற்றினில் உருவானமுதல்

என்னை தமக்காக தெரிந்து கொண்டு பிரித்தெடுத்தீர்

ஒரு தகப்பனை போல் - என்னை சுமந்தவரை

தினம் தழுவிடுவேன் - சிறு பிள்ளையைப் போல்

மார்போடு அணைத்தவரை பாடிடுவேன் – முழு

மனதோடு சேர்ந்தவரை துதித்திடுவேன்.

வழிமாறி ஓடி ஒரு ஓடத்திலே

கொஞ்சம் இளைப்பாற நினைத்தேன் அடி தளத்தினிலே

வலக்கரம் கொடுத்து - எனை எடுத்து

மீன் வயிற்றினிலும் - தனி இடங்கொடுத்து

அழியாமல் காத்தவரைப் பாடிடுவேன் – வழி

விலகாது மீட்டவரைத் துதித்திடுவேன்

வெகுதூரம் நடந்தே ஒரு மலையருகில்

நான் களைப்பாற சாய்ந்தேன் சூரைச் செடி நிழலில்

இரு வேளையிலும் கரும் காகம் கொண்டு

சுவை கறியுடனே தினம் அப்பம் கொடுத்து

பசி தாகம் தீர்த்தவரை பாடிடுவேன் – எனக்கு

இளைப்பாறுதல் ஈந்தவரை துதித்திடுவேன்