നിന്റെ ഹിതംപോലെയെന്നെ
നിത്യം നടത്തിടേണമേ
എന്റെ ഹിതം പോലെയല്ലേ
എൻപിതാവേ എൻയഹോവേ
ഇമ്പമുള്ള ജീവിതവും
ഏറെ ധനമാനങ്ങളും
തുമ്പമറ്റ സൗഖ്യങ്ങളും
ചോദിക്കുന്നില്ല അടിയൻ;-
നേരു നിരപ്പാം വഴിയോ-
നീണ്ട നടയോകുറുതോ
പാരം കരഞ്ഞോടുന്നതോ-
പാരിതിലും ഭാഗ്യങ്ങളോ;-
അന്ധകാരം ഭീതികളോ-
അപ്പനേ പ്രകാശങ്ങളോ
എന്തു നീ കൽപ്പിച്ചിടുന്നോ
എല്ലാം എനിക്കാശീർവ്വാദം;-
ഏതുഗുണമെന്നറിവാൻ ഇല്ല
ജ്ഞാനമെന്നിൽ നാഥാ!
നിൻ തിരുനാമം നിമിത്തം-
നീതി മാർഗ്ഗത്തിൽ തിരിച്ചു;-
അഗ്നിമേഘത്തൂണുകളാൽ
അടിയനെ എന്നും നടത്തി
അനുദിനം കൂടെ ഇരുന്നു
അപ്പനേ കടാക്ഷിക്കുകേ;-
No comments:
Post a Comment